གཞས་ཚིག་ཁག་གཉིས།
འབའ་ཡི་བུ་མོ།
འབའ་ཆུའི་འགྲམ་གྱི་བུ་མོ།།
འབའ་འབའ་ལུག་གུའི་རྗེས་ནས།།
གཞས་ཆུང་ངག་ལ་འགུག་བཞིན།།
དགོ་དགོ་དབྱངས་ཀྱིས་འདེགས་ཞོར།།
འབའ་ཡི་བུ་ཆུང་ང་ལ།།
ཕྱི་མིག་ཐེངས་ཤིག་གཟིགས་རོགས།།
རྣང་ཞིང་གྲུ་བཞི་བར་ནས།།
དགྱེ་སྒུར་ལས་ལ་བརྩོན་པའི།།
འབའ་ཡི་ན་ཆུང་བུ་མོ།།
གཅེས་པའི་འཛུམ་ཆུང་དྲོན་མོས།།
མགོ་དཀྲིས་དམར་པོའི་འོག་ནས།།
ཕྱི་མིག་ཐེངས་ཤིག་གཟིགས་རོགས།
འབའ་ཡི་ཐང་ཆེན་གཞུང་ནས།།
དབྱར་དགུན་དུས་ཚིགས་བཞི་ལ།།
ཕ་མའི་གམ་ན་འདུར་བཞིན།།
སྲི་ཞུའི་ལས་ལ་བྲེལ་བའི།།
ང་ཡི་སྙིང་གི་བུ་མོ།།
ཕྱི་མིག་ཐེངས་ཤིག་གཟིགས་རོགས།།
བོད་ཡིག་གི་འབོད་པ།
དབྱངས་གསལ་སོ་བཞིའི་བར་གྱི།།
ཚེ་སྲོག་ངག་ལ་རྒྱུས་པའི།།
མེས་པོ་ཐོན་མིའི་ཐུགས་ལས།།
འཁྲུངས་པའི་རིན་ཆེན་ནོར་བུ།།
འདས་མ་ད་གསུམ་དུས་ལ།།
ཚང་མས་བློ་ལ་ཉར་རོགས།།
ལོ་ངོ་སྟོང་གི་རིག་གནས།།
ལོ་ཟླའི་མཁའ་ལ་སྙེགས་དུས།།
དུས་ཀྱི་འཁོར་མོ་ཡུག་ཏུ།།
རླུང་ཁའི་དར་ལྕོག་ལྟ་བུའི།།
རྗེས་འགྲོ་མེས་པོའི་ཤུལ་བཞག།
ཚང་མས་མྱུར་གྱིས་སྐྱོབ་རོགས།།
གནའ་དེང་འགལ་ཟླའི་བར་གྱི།།
གསར་རྙིང་དུས་ཚོད་ཁྲོད་ཀྱི།།
སྔོན་ཐོན་རྗེས་ལུས་བར་ནས།།
སྲོལ་རྒྱུན་དེང་རབས་གླེང་ནས།།
མེས་པོའི་ཤུལ་བཞག་རིག་གནས།།
དགོས་མེད་ཆུ་ལ་མ་བསྐུར།།
