༄༅། ། ཕྱུགས་རིགས་ཀྱི་ལོ་གྲངས་མཚོན་པའི་མིང་གི་རྣམ་གྲངས་འགའ་ཞིག
ལུག་གི་སྐོར།
ལོ་གཅིག་ཅན་ལ་ལུ་གུ་མོ་ལུག་དང་།། ལོ་གཉིས་ཅན་ལ་ལག་ག་ལག་མོ་དང་།། ལོ་གསུམ་ཅན་ལ་ཐོང་བ་འཚེར་མོ་དང་།། ལོ་བཞི་ཅན་ལ་སོ་གཉིས་སོ་གཉིས་མ།། ལོ་ལྔ་ཅན་ལ་སོ་བཞི་སོ་བཞི་མ།། ལོ་དྲུག་ཅན་ལ་སོ་དྲུག་སོ་དྲུག་མ།། ལོ་བདུན་ཅན་ལ་ཁ་གང་དང་།། ཁ་གཉིས་ཁ་གསུམ་ཞེས་པ་བཅས།། ལུག་གི་ལོ་ཚད་རྩི་ཚུལ་ཡིན།།
རྟའི་སྐོར།
ལོ་གཅིག་ཅན་ལ་རྟེའུ་དང་མོ་རྟེའུ་ཟེར།། ལོ་གཉིས་ཅན་ལ་ཐོ་རུ་ཐོར་མོ་དང་།། ལོ་གསུམ་ཅན་ལ་རྒྱེའུ་དང་རྒྱ་མོ་ཟེར།། ལོ་བཞི་ཅན་ལ་ཕོག་བཞི་ཟེར་བ་དང་།། ལོ་ལྔ་ཅན་ལ་ན་སོ་གཅིག་པ་དང་།། ལོ་དྲུག་ཅན་ལ་ན་སོ་གསུམ་པ་ཟེར།། དེ་ལྟར་བགྲང་ན་རྟ་ཡི་ལོ་གྲངས་ངེས།།
ཟོག་གི་སྐོར།
ལོ་གཅིག་ཅན་ལ་བེའུ་དང་མོ་བེའུ་ཟེར།། ལོ་གཉིས་ཅན་ལ་ཡ་རུ་ཡར་མོ་དང་།། ལོ་གསུམ་ཅན་ལ་ཤད་དང་ཤད་མོ་དང་།། ལོ་བཞི་ཅན་ལ་སོ་གཉིས་སོ་གཉིས་མ།། ལོ་ལྔ་ཅན་ལ་སོ་བཞི་སོ་བཞི་མ།། ལོ་དྲུག་ཅན་ལ་སོ་དྲུག་སོ་དྲུག་མ།། ལོ་བདུན་ཅན་ལ་ཁ་གང་ཁ་གང་མ།། ཁ་གཉིས་ཁ་གསུམ་ཞེས་པའི་མིང་བགྲངས་ན།། ཟོག་གི་སྐོར་གྱི་ལོ་གྲངས་ཡིན་པར་ངེས།།
ཡོངས་ཁུངས། བོད་ལྗོངས་སློབ་འབྲིང་དྲ་བ།
