༄༅། ། གཙང་ཁུལ་གྱི་ཤོ་བཤད་འགའ་ཞིག
གཙང་ཁུལ་གྱི་ཤོ་བཤད་འགའ་ཞིག
དིང་རི་སྐྱིད་པོའི་གཞོང་གཞོང་ན། ། རྩྭ་སྐོར་བུ་མོ་གླུ་སྒྲ་ཤང་ཤང་རེད།།
དིང་རི་སྐྱིད་པོ་མི་འདུག ། ཚོ་ལྔ་དཔོན་པོའི་འོག་རེད།།
ཐིག་རྒྱག་སར་གྲིའུ་མ་ཕྱིན་ན། ། ང་ལྷམ་བཟོ་བའི་ཕྲུ་གུ་ཡིན་མདོག་མེད།།
ཐིགས་པ་མི་རྒྱག་དགུ་རྒྱག ། རྒན་མོའི་སློག་ཧྲུལ་སྒང་ལ་ཐིགས་ཐིགས།།
སྡིག་པའི་ཕྲུ་ཆུང་བརྒྱབ་ལ་འཁུར། ། ཁ་ནས་ཨོཾ་བཟང་མ་ཎི་འདྲེན།།
རི་སྡིང་སྡིང་གླ་བ་ཉལ་ས་རེད། ། གླ་བ་ཉལ་ཐག་རིང་ན་འཆི་ལེ་རེད།།
རི་ལུག་པ་ཐག་པས་མི་ཐུམ། ། གྱང་འགྱེལ་བ་ཡོག་ཤིང་གིས་མི་བསྲོང་།།
རི་རྒྱས་གླིང་གི་རྩྭ་ཁ་འདི། ། བྲག་ཕུག་གླིང་ན་ཡོད་རོགས་བྱས་ན།།
རི་ཁ་ཐམས་ཅད་སྨུག་པས་བསྒྲིབ། ། དེང་སང་རྐྱང་ལ་ཕ་ཡུལ་མེད །།
རིན་རྡོར་ཆང་གིས་བཟི་ནས། ། སྐྱུག་པའི་འདམ་ལ་ཤོར་འདུག།
རིམ་པ་ཕེབས་པས་ཡག་བྱུང་། ། ཞུ་རྒྱུ་མེད་པས་བསླུས་སོང་།
ལུག་ཐོང་པ་མི་གསོད་ཀ་མེད་རེད། ། དཔོན་སྒྲ་ཆེན་གསོལ་ཚིགས་རྫོགས་ལེ་རེད།།
གྲུབ་ཐོབ་ཐང་སྟོང་རྒྱལ་པོ་ཟེར་བའི། ། མི་དེ་ལ་སྤྲང་པོའི་གཡའ་ཞིག་འདུག།
ཤ་དུག་འཁེལ་བའི་རྐུབ་ལ་ལྟོས། ། སྡུག་རྐུབ་དམར་ཁྲ་འཁྱིལ་ལེ་རེད།།
ཤ་ཁུ་དྲོ་མོ་ཁྱི་ལ་སྟེར། ། ཁྱི་རྒན་རྒྱགས་པ་དེ་ནས་བྱུང་།།
ཤབ་ཆུ་ལ་བརྒལ་ན་བརྒལ་མཉམ་དང་། ། དགེ་སྡིངས་ཟམ་པ་བསྐོར་ན་བསྐོར་མཉམ་རེད།།
ཤོབ་ཤོབ་ལྕང་མའི་དཀྱིལ་ལ། ། རི་བོང་སྦྲང་སེ་རྒྱག་གིས།།
ཤ་རི་དྲུག་གསུམ་ལ་མ་འཁེལ་ན། ། ཤོ་པའི་ལག་པ་སྟ་གྲིས་གཅོད།།
ཤ་སྤགས་ལ་བཟའ་རེས་དང་། ། ཇ་ཆང་ལ་འཐུང་རེས།
ཤོབ་ཐལ་མ་ཤོད་གཞོན་པ་ཚོ། ། ང་ཡང་ཤོ་པའི་གྲལ་ཡ་ཡིན།།
ཤར་རིའི་ལོགས་ན་གནའ་ཞིག་འདུག ། འདི་འབེབ་ལ་ཨ་ཕོ་སུ་ཞིག་བཟང་།།
ཤྭ་ཕྲུག་ཡ་གིའི་ངུ་ལུགས་ལ་བལྟས་ན། ། ལས་ངན་པའི་ཁྱི་ར་བ་ཞིག་ཡོད་པ་འདྲ།
དགུ་ཐུག་བཏུང་ནས་ན་ཡང་ན། ། དགུ་ཐུག་བཏུང་ནས་ཤི་ཡང་ཤི།།
དགུན་སྟོད་གཅིག་ལ་དབྱར་ལོ་གཉིས། ། བྱ་རྒོད་པོའི་ལོ་གསར་ག་དུས་རེད།།
དགོན་པ་ཡ་གིའི་ཉམས་བཟང་ལ། ། ཨ་ནི་མེད་པས་སྐྱོ་ཤས་ལ།།
དགུ་ཟུར་གྱི་སྒོ་རྩ་ཡ་ན། ། མི་སྒུར་བ་ཞིག་ལྟག་པ་ཀྱེར་ལེར་བསྡད་འདུག།
སྒུར་བ་མ་སྒུར་རང་སྒུར་རེད། ། ཟེ་སྒུར་བུ་མོའི་མཛེས་ཆ་ཡིན།།
སྒོ་ལྕགས་སྐྱོན་པ་མ་གནང་། ། ནང་ན་ཡབ་ཡུམ་བཞུགས་འདུག།
དགུ་རི་རི་ལ་དར་ལྕོག་བཙུགས། ། བྱིས་པ་རླུང་རྟ་དར་བའི་དར་ཤིང་ཡིན།།
དགུ་ཆུ་བྲག་དཀར་གྱི་མདོ་ན། ། འབྲི་ཨ་ཅེ་བཟང་མོ་ཁ་འདར་འཛར།།
དགུ་ཚིགས་སྐྱ་མོ་གནམ་གྱི་སྐེ་རགས་ཡིན། ། གནམ་ལ་སྐེ་རགས་མེད་ན་འབུ་ལུག་ལུག།
ཆུ་འཇམ་པ་ཞིག་ལ་སྐྲ་ཞིག་བཀྲུས། ། དེ་ལ་ཆུ་འཇམ་སྐྲ་བཀྲུས་ཟེར།།
བཅོ་བརྒྱད་ལོ་ལ་དམག་ལ་ཕྱིན། ། དམག་འབུམ་ཚོ་གཅིག་གི་ཁས་ལེན་ཞུས།།
ཕྱུ་པ་དཀར་པོ་ཨ་མས་གཡོགས། ། མིང་ལ་སྐྱ་རིལ་ཨ་མས་བཏགས།།
ཕྱུག་པོ་གཞུང་ལ་ཕྱུག་རྒྱུ་མེད། ། དེ་ལས་ཉ་རི་མགར་ཚང་ཕྱུག།
ཐོ་རེངས་སོང་དང་ཐོ་རེངས་སོང་། ། ཐོ་རེངས་གླང་ཆེན་སྨྱོན་པ་སོང་།།
ཁ་རྒྱས་ཞལ་བཟོ་འཕེར་བ་མ་གཏོགས། ། སྦུག་ཡུལ་ཨ་མ་མ་དྲན་པ་མེད།།
ཁ་ཐུག་ལ་ཕྱིན་ན་རྟ་ལས་བོང་བུ་མགྱོགས།།
ཁ་སིང་གཟིམ་ཆུང་ཤར་དུ། ། བཀལ་མོལ་གང་འདྲ་གནང་ངམ།།
བསྐོས་པ་རང་གི་ས་ཆ་ལ། ། གྲོ་མ་མ་བཀོག་སུས་ཟེར་རམ།།
ཀོ་བྱ་ཕོ་ཡོས་སྒྲུག ། ཡོས་མེད་ན་སྐྱག་པ་གཏོར།།
ཁབ་ཟུར་སྤོ་བོ་རྒས་དོགས་མེད། ། རྒས་ནས་གྲུང་རིག་ཐོར་དོགས་མེད།
ཁམས་པ་ཞིག་དང་གྲོགས་པོ་བྱས། ། མིང་ལ་ཨ་རོགས་ཨ་རོགས་བོས།།
ཁམས་ཕྲུག་བུ་ཚ་ཆོས་ལ་བཏང་། ། མིང་ལ་རྗེ་བཙུན་བསྟན་འཕེལ་བཏགས།།
སེམས་པ་སེམས་པ་ལ་ཕྱག་འཚལ་ལོ། ། བྱང་ཆུབ་སེམས་པ་ལ་ཕྱག་འཚལ་ལོ།།
སེར་ཤ་སྤང་ལ་སྐྱེས་པ་གཡང་དཔོན་ལགས་རང་མཆོད་རོགས། །
བྲག་རིའི་ལོགས་ཀྱི་ཆོ་ལོ་གཡང་གཡོག་བདག་གིས་ཞུས་ཆོག །
གསེར་གདུབ་གཅིག་གི་གྱོད་ལ། ། མཛུབ་གུའི་ལོགས་ནས་བུད་ཀྱིས།།
གསིང་མ་ཨ་ཟིང་སྦ་ཟིང་རེད། ། མེ་ཏོག་ཁྲ་ཆིལ་དགུ་ཆིལ་རེད།།
སི་ལིང་ཆང་འཐུང་རྒྱག་གིས། ། གནས་མོ་རྒྱལ་ལ་འབུངས་འདུག།
སྲིད་ཇུས་ལས་བརྒལ་ནའང་བརྒལ། ། ཡང་ཇུས་ལས་བརྒལ་ནའང་བརྒལ།།
ཙི་གུ་འཚིག་པའི་ཟ་ཤས་ལ། ། ནལ་བུ་སྤོར་ཁའི་བདེ་ཤས་ལ།།
ཟིན་རྒྱུ་མང་པོ་ཟིན་མྱོང་ཡང་། ། ཙི་ཙིའི་ཕྲུ་གུ་ཟིན་མ་མྱོང་།
ཚེ་རིལ་བཟའ་ན་དབང་གྲལ་ལ་ཤོག ། བག་ཐུག་བཟའ་ན་བཞུགས་གྲལ་ལ་ཤོག།
ཚེ་རིང་གཡོག་པོའི་དཀྱིལ་ནས་དྲག་ཤོས་རེད། ། ཁོ་ཡང་སང་འགྲོ་གནངས་འགྲོ་རེད།།
ཚེས་གསུམ་ལ་སྐྱེས་པའི་ཨ་མའི་གནམ་གང་བུ་ཁྲིད།།
ས་འཚིག་ས་དེ་རུ་མེ་གཏོང་། །
ཚོབ་ཚོབ་ཟེར་ན་ཟོམ་པ་ལྷམ་འཚེམ་པའི་སྒྲ་རེད། །
འཛོར་དགེ་བཤེས་རྟ་ཡིས་གཡུགས། ། བབ་མི་དགོས་ཁེ་བཟང་རེད། །
བསམ་གྲུབ་ལགས་ལ་གཟིམ་ཆས་ཉུང་།། འཛེར་འཛེར་འུར་འུར་ཉལ་ས་བརྒྱངས།།
ས་བཅུའི་དབྱིངས་སུ་བཞུགས་པའི།། དམ་ཅན་ཆོས་དབྱིངས་རྡོ་རྗེ། །
མཛོས་བརྡུང་གླང་ངུ་ཤོར། །
ཕག་རི་ལོ་གསར་སྐྱིད་དྲགས་པས། ། ནང་ལ་ལོག་རྒྱུ་བརྗེད།།
ཧྲག་སེ་པ་རས་མ་ལངས་ན། ། ནམ་ཞག་རྒྱུན་དུ་པ་ར་དགོས་པ་མེད།།
དཔག་བསམ་ཤིང་ལ་འཛེག་རྒྱུ་བྱུང་ན། །གོས་ཆེན་ལྤགས་ཚར་རལ་ཡང་རལ།།
བོད་རིག་གནས་སྤྱི་སྟེགས་ལས་བཏུས།