༄༅། ། ཐང་གི་སྙན་ངག་བོད་འགྱུར་བརྒྱད།

དུས་ཚོད། 2018-05-17 རྩོམ་པ་པོ ཉི་མ་དོན་གྲུབ། རྩོམ་སྒྲིག རིན་སྤུངས་ཉི་མ་དོན་གྲུབ།

绝句 
杜甫(唐代)
两个黄鹂鸣翠柳, 
一行白鹭上青天。 
窗含西岭千秋雪, 
门泊东吴万里船。
 
སྙན་ངག་ཚིག་བཞི་མ། 
ཏུའུ་ཧྥུ། (ཐང་རྒྱལ་རབས )
རྒྱ་ལྕང་སྟེང་དུ་རི་སྐྱེགས་ཆ་གཅིག་སྙན་པོའི་གསུང་སྐད་སྒྲོག་ནས་འདུག། 
ཨ་སྔོན་དགུང་དུ་སྐྱ་མོ་སྟར་སྒྲིག་གཤོག་རྩལ་ངོམས་ནས་འཕུར་བཞིན་འདུག། 
སྐལ་པ་སྟོང་གི་ཞི་ལིང་གངས་རི་རབ་གསལ་མཐོངས་ནས་ལྷག་ཏུ་གསལ།། 
སྒོ་ཁའི་གྲུ་ཁར་ཚུགས་ནས་འདུག་པ་རིང་པོ་ཏུང་ཝུའུ་ཡུལ་གྱི་གྲུ།།

江雪

柳宗元 (唐代)

千山鸟飞绝,

万径人踪灭.

孤舟蓑笠翁,

独钓寒江雪

གཙང་སྟེང་གི་ཁ་བ།

ལིའུ་ཙུང་ཡོན། (ཐང་རྒྱལ་རབས)

རི་ཁམས་ཡོངས་ལ་འཕུར་སྐྱོད་བྱ་བྱེའུ་དབེན།།

ལམ་བུའི་གཞུང་ལ་འགྲོ་འོང་བཞུད་མི་ཟད།།

གྲོགས་མེད་གྲུ་ཐོག་ཉ་པ་རྒས་པོ་ཡིས།།

ཁ་བ་འཁྱགས་རུམ་ཁྲོད་དུ་ཉ་མོ་འཛིན།།

早发白帝城

李白 (唐代)

朝辞白帝彩云间,

千里江陵一日还。

两岸猿声啼不住,

轻舟已过万重山。

ཞོགས་པ་པའེ་ཏི་གྲོང་ནས་རྡོག་ཐོན་བྱས།

ལི་པེ།  (ཐང་རྒྱལ་རབས )

ནངས་མོ་མཐོ་པོའི་པའེ་ཏི་གྲོང་ལས་གྱེས།།

ལེ་དབར་སྟོང་གི་ཅང་ལིང་ཉིན་ཡུན་གཅིག།

ཆུ་ངོགས་གཉིས་ཀྱི་སྤྲེའུ་སྐད་ལྷང་ལྷང་ཁྲོད།།

ཁོ་བོའི་གྲུ་ཆུང་རི་གསེབ་ཡུད་དུ་སྒྲོལ།།

怨情

李白 (唐代)

美人卷珠帘,

深坐颦蛾眉。

但见泪痕湿,

不知心恨谁。

འཁང་སེམས།

ལི་པེ། (ཐང་རྒྱལ་རབས)

མཛེས་མས་མལ་ཡོལ་འདྲིལ་བཞིན་སུ་ལ་སྒུག།

གང་དེར་བཙོག་པུར་ཡིད་མུག་སྨིན་མ་འདུས།།

བཞིན་གྱི་མཁུར་མགོ་མཆི་མས་བརླན་པ་དེ།།

ཁྲོ་སྡང་འཁང་སེམས་ཡང་སྙིང་སུ་ལ་བཅངས།།

游子吟 

孟郊 (唐代)
慈母手中线,游子身上衣。 
临行密密缝,意恐迟迟归。 
谁言寸草心,报得三春晖。 

བྱེས་པའི་སྙན་ངག 

མེང་ཅའོ། (ཐང་རྒྱལ་རབས)
ཡུམ་གྱི་ཕྱག་ཐོགས་འཚེམ་ཁབ་ཀྱིས།།   རྒྱང་བཞུད་བུ་ལ་གྱོན་པ་ལས།། 
བུ་ཆུང་འཁོར་བ་འགྱངས་སྙམ་ནས།།     འགྲོ་ཁར་འཚེམ་བུས་ཡང་ཡང་གླན། 
  ཨེ་མ་བདག་གི་བློ་ཆུང་འདིས།།     ཟབ་པའི་དྲིན་གསོ་ཨེ་ཐུབ་ཅི།།

绝句

杜甫 (唐代)

迟日江山丽,

春风花草香。

泥融飞燕子,

沙暖睡鸳鸯。

སྙན་ངག་ཚིག་བཞི་མ། 
ཏུའུ་ཧྥུ། (ཐང་རྒྱལ་རབས )

དཔྱིད་དཔལ་བཞད་པས་རི་ཀླུང་ལྷག་ཏུ་མཛེས།།

རྩི་ཤིང་མེ་ཏོག་དྲི་བསུང་རླུང་དང་འགྲོགས།།

འདམ་ས་མཆུ་ཐོགས་ཁུག་རྟ་ཚང་ལ་བྲེལ།།

ངུར་བ་ཁྱོ་ཤུག་བྱེ་ཐང་དྲོ་མོར་ཉལ།།

枫桥夜泊/夜泊枫江

张继 (唐代)

月落乌啼霜满天,

江枫渔火对愁眠。

姑苏城外寒山寺,

夜半钟声到客船。

མཚན་མོ་གྲུ་ཤན་ཧྥུང་ཆའོ་ཟམ་ངོགས་སུ་འཇོག་པ།

ཀྲང་ཅེ། (ཐང་རྒྱལ་རབས)  

སྲོས་ཀྱི་མཁའ་ལ་བ་མོས་བཀླུབས་ཤིང་ཟླ་འོད་བཞུད་དང་ཕོ་རོག་སྒྲོག།

 བདག་ནི་ཧྥུང་ཤིང་གྲུ་སྒྲོན་ལྷན་དུ་ཡིད་མུག་གདུང་བས་གཉིད་ཀྱང་བརླག།།

ཀུ་སུའི་གྲོང་གི་ལྕགས་རིའི་ཕྱི་ནས་ཧན་ཧྲན་དགོན་གྱི་ཅོང་སྒྲ་དེ།།

ནམ་དགུང་མཚན་མོའི་མཁའ་དབྱིངས་མཐོངས་ནས་བདག་གི་གྲུ་སར་ལྷང་ལྷང་ཐོས།།

春望

杜甫 (唐代)

国破山河在,

 城春草木深。

感时花溅泪,

恨别鸟惊心。

དཔྱིད་ཀྱི་རེ་སྒུག

ཏུའུ་ཧྥུ། (ཐང་རྒྱལ་རབས )

རྒྱལ་ས་དགྲ་བོས་ཕམ་ཏུ་བཅུག་ཅིང་གནས་པ་སྔར་གྱི་རི་ཀླུང་ཙམ།།

སྐྱོ་པོའི་དཔྱིད་ཀྱི་ཁྲང་ཨན་གྲོང་དུ་རྩྭ་ཡན་ལྡུམ་བུས་ས་གཞི་ཁེངས།།

སྐྱོ་བའི་ནམ་ཟླར་མེ་ཏོག་གིས་ཀྱང་རྒྱལ་དོན་བསམ་བཞིན་མཆི་མ་ཤོར།།

གདུང་བའི་དུས་སུ་བྱེའུ་སྐད་སྙན་མོ་ལྷག་ཏུ་སྐྱོ་བའི་གཙེར་སྒྲ་ཙམ།།