《弟子规》

སློབ་མའི་བསླབ་བྱ།

总叙

སྤྱིའི་སྡོམ་ཚིག 

弟子规，圣人训。 首孝悌，次谨信。 泛爱众，而亲仁。 有余力，则学文。

སློབ་མའི་བསླབ་བྱ་འདི། ། འཕགས་པའི་སྐྱེ་བོའི་གསུང་། ། སྲི་ཞུ་གུས་བཀུར་དང༌། ། བག་ཡོད་ཡིད་རྟོན་བྱ། ། ཀུན་ལ་བྱམས་པས་སྐྱོང༌། ། བཤེས་གཉེན་དམ་པ་བསྟེན། ། ད་དུང་སྒྲུབ་ནུས་ན། ། ཤེས་བྱ་གཞན་ཀྱང་སློབ། །

1.入则孝 ཕ་མར་སྲི་ཞུའི་སྐོར།  

父母呼，应勿缓。 父母命，行勿懒。 父母教，须敬听。 父母责，须顺承。 冬则温，夏则凊。 晨则省，昏则定。 出必告，反必面。 居有常，业无变。 事虽小，勿擅为。 苟擅为，子道亏。 物虽小，勿私藏。 苟私藏，亲心伤。 亲所好，力为具。 亲所恶，谨为去。 身有伤，贻亲忧。 德有伤，贻亲羞。 亲爱我，孝何难。 亲憎我，孝方贤。 亲有过，谏使更。 怡吾色，柔吾声。 谏不入，悦复谏。 号泣随，挞无怨。 亲有疾，药先尝。 昼夜侍，不离床。 丧三年，常悲咽。 居处变，酒肉绝。 丧尽礼，祭尽诚。 事死者，如事生。

ཕ་མས་འབོད་པའི་དུས། ། མྱུར་དུ་ཨ་ལན་བྱ། ། ཕ་མས་མངག་པའི་ལས།།ཕྱིར་འགྱངས་མེད་པར་བསྒྲུབ། ། ཕ་མའི་བསླབ་བྱ་དག །གུས་པས་མཉན་པར་བྱ། ། ཕ་མས་བཀའ་བཀྱོན་སྐབས། ། བཀུར་བས་དང་ལེན་བྱ། ། དབྱར་དགུན་ཕ་མ་ལ། ། དྲོད་བསིལ་གང་དགོས་སྦྱིན། ། ནངས་ནུབ་ཕ་མ་ལ། ། ཁམས་འདྲི་བསྙེན་བཀུར་ཞུ། ། ཕར་འགྲོ་ཕ་མར་ཞུ། ། ཚུར་སླེབས་སྙན་གསན་དབུལ། ། སྡོད་གནས་གཏན་འཁེལ་དང༌། ། ལས་ཀ་བརྟན་པོ་བྱ། ། བྱ་བ་ཆུང་ན་ཡང༌། ། རང་དགར་བྱེད་མི་རུང༌། ། རང་དགར་བྱས་གྱུར་ན། ། ཡ་རབས་ལུགས་དང་འགལ། ། དངོས་པོ་ཆུང་ན་ཡང༌། ། རང་དགར་སྦ་མི་རུང༌། །  རང་དགར་སྦས་གྱུར་ན། ། ཕ་མའི་སེམས་པ་གསོད། ། ཕ་མ་དགའ་བའི་གནས། ། ཅི་ནུས་བསྒྲུབ་པར་བྱ། ། ཕ་མ་མི་དགའི་རིགས། ། བག་ཡོད་སྒོ་ནས་འདོར། །ལུས་ལ་སྙད་བྱུང་ན། ། ཕ་མས་སེམས་ཁྲལ་བྱེད། ། ཀུན་སྤྱོད་ཉམས་གྱུར་ན། ། ཕ་མར་ངོ་ཚ་སྐྱེ། ། ཕ་མ་དགའ་ན་བདག །བཀུར་སྟི་ཅི་ཞིག་དཀའ། ། ཕ་མ་སྡང་ཡང་བདག །གུས་བཀུར་དེ་ནི་མཆོག ། ཕ་མའི་ཉེས་སྐྱོན་ལ། ། ཞི་དུལ་འཛུམ་མདངས་བཅས། ། འཇམ་པོའི་ངག་ཚིག་གིས། ། བསྐུལ་ཏེ་བཅོས་པར་བྱ། ། སྐྱོན་དངོས་མི་ལེན་ན། ། ཕ་མ་དགའ་བའི་དུས། ། ངུས་ཏེ་སླར་ཡང་ཞུ། ། བརྡུང་ཡང་འཁོན་མི་བྱ། ། ཕ་མ་ན་བའི་དུས། ། སྨན་བྲོ་རང་གིས་བལྟ། ། ཉིན་མཚན་བསྙེན་བཀུར་ཞུ། ། གམ་ནས་འབྲལ་མི་བྱ། ། ཕ་མ་གཤེགས་རྗེས་སུ། ། ལོ་གསུམ་མྱ་ངན་བྱེད། ། འཚོ་བ་སྟབས་བདེའི་ངང༌། ། ཤ་ཆང་སོགས་མི་བསྟེན། ། ལྷག་བསམ་དག་པའི་ངང༌། ། སྲོལ་བཞིན་འདས་མཆོད་བྱ། ། འདས་རྗེས་བྱ་གཞག་རྣམས། ། འཚོ་གཞེས་སྐབས་ལྟར་བྱ། །

2.出则悌 རྒན་ལ་གུས་བཀུར་གྱི་སྐོར། 

兄道友，弟道恭。 兄弟睦，孝在中。 财物轻，怨何生。 言语忍，忿自泯。 或饮食，或坐走。 长者先，幼者后。 长呼人，即代叫。 人不在，已即到。 称尊长，勿呼名。 对尊长，勿见能。 路遇长，疾趋揖。 长无言，退恭立。 骑下马，乘下车。 过犹待，百步余。 长者立，幼勿坐。 长者坐，命乃坐。 尊长前，声要低。 低不闻，却非宜。 进必趋，退必迟。 问起对，视勿移。 事诸父，如事父。 事诸兄，如事兄。

ཕུ་བོས་ནུ་བོ་སྐྱོང༌། ། ནུ་བོས་ཕུ་བོར་གུས། ། ཕུ་ནུ་ནང་མཐུན་ན། ། ཕ་མའི་སྲི་ཞུ་ལགས། ། ནོར་ལ་ཞེན་ཆུང་ན། ། འཁོན་པ་གང་ནས་འབྱུང༌། ། གཏམ་ངན་ལ་བཟོད་ན། ། ཁྲོ་སེམས་རང་སར་ཞི། ། བཟའ་བཏུང་བྱེད་པ་དང༌། ། འགྲོ་འདུག་སོགས་ཀྱང་རུང༌། ། རྒན་རབས་སྔོན་ལ་སྟེ། ། གཞོན་པས་རྗེས་ནས་བྱ། ། རྒན་པས་གཞན་འབོད་ན། ། མྱུར་དུ་འཚོལ་རོགས་བྱ། ། མི་དེ་མེད་གྱུར་ན། ། རང་ཉིད་དེའི་ཚབ་འགྲོ །རྒན་ལ་ཞེ་ས་བགྱི། ། ཐད་ཀར་མིང་མི་གཟུང༌། ། རྒན་རབས་དག་གི་མདུན། ། རང་ཆེ་གདོན་མི་བྱ། ། ལམ་འཕྲད་རྒན་རབས་ལ། ། མྱུར་དུ་གུས་འདུད་ཞུ། ། གསུང་གླེང་མེད་གྱུར་ན། ། གུས་པས་གམ་ནས་གཟུར། ། རྒན་རབས་ལ་འཕྲད་སྐབས། ། ཁྱོགས་རྟ་སོགས་ལས་འབབ། ། གོམ་བརྒྱ་ཙམ་ཕེབས་རྗེས། ། གཟོད་ནས་ལམ་དུ་ཞུགས། ། རྒན་པ་བཞེངས་པའི་དུས། ། གཞོན་པ་འདུག་མི་རུང༌། ། རྒན་པ་བཞུགས་པའི་རྗེས། ། གནང་ན་གཟོད་ནས་འདུག །རྒན་པ་རྣམས་ཀྱི་དྲུང༌། ། སྐད་སྒྲ་ཆེ་མི་རུང༌། ། ཆུང་ནས་མི་ཐོས་པ། ། དེ་ཡང་མ་ཡིན་ནོ། ། མདུན་ལ་མྱུར་བོས་གཅར། ། དལ་གྱིས་ཕྱིར་ལ་འོངས། ། ཐད་ཀར་དྲིས་ལན་ལྡོན། ། ལྟ་སྟངས་བསྒྱུར་མི་བྱ། ། ཉེ་བའི་རྒན་རབས་ལ། ། རང་གི་ཕ་ལྟར་བཀུར། ། ཉེ་བའི་སྤུན་ཟླ་ལ། ། རང་གི་སྤུན་ལྟར་གཅེས། །

3.谨 བག་ཡོད་ཚུལ་མཐུན་གྱི་སྐོར། 

朝起早，夜眠迟。 老易至，惜此时。 晨必盥，兼漱口。 便溺回，辄净手。 冠必正，纽必结。 袜与履，俱紧切。 置冠服，有定位。 勿乱顿，致污秽。 衣贵洁，不贵华。 上循分，下称家。 对饮食，勿拣择。 食适可，勿过则。 年方少，勿饮酒。 饮酒醉，最为丑。 步从容，立端正。 揖深圆，拜恭敬。 勿践阈，勿跛倚。 勿箕踞，勿摇髀。 缓揭帘，勿有声。 宽转弯，勿触棱。 执虚器，如执盈。 入虚室，如有人。 事勿忙，忙多错。 勿畏难，勿轻略。 斗闹场，绝勿近。 邪僻事，绝勿问。 将入门，问孰存。 将上堂，声必扬。 人问谁，对以名。 吾与我，不分明。 用人物，须明求。 倘不问，即为偷。 借人物，及时还。 人借物，有勿悭。

ཞོགས་པར་སྔ་ནས་ལངས། ། དགུང་མོར་ཕྱི་ནས་ཉལ། ། རྒ་བ་འོང་སླ་བས། ། དུས་ལ་གཅེས་སྤྲས་བྱ། ། སྔ་མོར་ཡར་ལངས་ཏེ། ། ངོ་འཁྲུད་ཁ་བཤལ་ཞིང་། ། བཤང་གཅི་དོར་བའི་རྗེས། ། ལག་པ་བཀྲུ་བར་བྱ། ། ཞྭ་མོ་དྲང་མོར་གྱོན། ། སྒྲོག་གུ་ལེགས་པར་སྒྲོག །གོས་ལྷམ་ཆ་འགྲིག་པོ། ། འོས་འཚམས་ཡིད་འོང་བྱ། ། ཞྭ་གོས་སོགས་ཕུད་རྗེས། ། གཏན་ཁེལ་གནས་སུ་འཇོག །གང་མོས་སར་གཡུག་ན། ། དེ་ལས་བཙོག་པར་འགྱུར། ། གོས་ནི་གཙང་བ་གཙོ། ། ཁྲ་བོ་སོགས་མ་ཡིན། ། རང་གི་ཐོབ་ཐང་དང༌། ། ཁྱིམ་གྱི་རྒྱུ་ལ་བསྟུན། ། བཟའ་བཏུང་སྤྱོད་པའི་དུས། ། འདེམ་ག་བྱེད་མི་རུང༌། ། ཟས་སྤྱོད་རན་པ་ལས། ། ཚད་ལས་འདས་པ་མིན། ། ན་ཚོད་གཞོན་དུས་ནས། ། ཆང་ནི་བཏུང་མི་རུང༌། ། ཆང་གིས་བཟི་བའི་མིའི། ། ཀུན་སྤྱོད་ཆེས་ཐ་ཆད། ། འགྲོ་ན་གོམ་སྟབས་རན། ། འགྲེང་དུས་ལུས་པོ་དྲང༌། ། ཕྱག་ལ་ལུས་སྒུར་ཏེ། ། གུས་འདུད་བརྩི་བཀུར་བྱ། ། སྒོ་ཐེམ་ཐོག་མི་བརྫི། ། རྐང་གཅིག་གིས་འགྲེང་དང༌། ། རྐང་གཉིས་བགྲད་དེ་འདུག །བརླ་གཡུག་སོགས་མི་བྱ། ། ཡོལ་བ་དལ་གྱིས་ཕྱེ། ། སྒྲ་ཆེན་སོགས་མི་འབྱིན། ། ཁ་འཁོར་རྒྱང་ནས་བསྐོར། ། སྣེ་ཟུར་ཕོག་མི་བྱ། ། སྣོད་སྟོང་གཟུང་བའི་སྐབས། ། བཅུད་ལྡན་གཟུང་བཞིན་གཟབ། ། ཁང་སྟོང་ནང་ཞུགས་དུས། ། ཁྱིམ་བདག་ཡོད་བཞིན་བྱ། ། བྱ་བ་བྲེལ་མི་རུང༌། ། བྲེལ་ན་ནོར་འཁྲུལ་འབྱུང༌། ། དཀའ་ལ་སྐྲག་པ་དང༌། ། སླ་ལ་བརྙས་མི་བྱ། ། འཐབ་རྩོད་གཡེང་བའི་གནས། ། ནམ་ཡང་འགྲོ་མི་རུང༌། ། ཚུལ་མིན་ལོག་པའི་དོན། ། ནམ་ཡང་འདྲི་མི་བྱ། ། གཞན་ཁྱིམ་འགྲོ་བའི་དུས། ། ཁྱིམ་བདག་ཡོད་མེད་འདྲི། ། ཁང་པར་ཞུགས་པའི་ཚེ། ། སྐད་བརྡ་གཏོང་བར་བྱ། ། བདག་པོས་ཚུར་འདྲི་ན། ། རང་གི་མིང་ནས་བརྗོད། ། ང་ཡིན་ཞེས་པའི་སྒྲས། ། སུ་ཡིན་འབྱེད་མི་ནུས། ། གཞན་ནོར་ལ་སྤྱོད་ན། ། དྲིས་ཏེ་གནང་བ་དགོས། ། མ་དྲིས་བཞིན་སྤྱད་ན། ། བརྐུས་དང་ཁྱད་པར་མེད། ། བདག་གིས་གཡར་བའི་ནོར། ། དུས་ཐོག་ཕར་ལ་སྤྲད། ། གཞན་ལ་གཡར་དགོས་ན། ། སེར་སྣ་མེད་པས་གཡར། །

4.信 ཡིད་རྟོན་དྲང་བདེན་གྱི་སྐོར། 

凡出言，信为先。 诈与妄，奚可焉。 话说多，不如少。 惟其是，勿佞巧。 奸巧语，秽污词。 市井气，切戒之。 见未真，勿轻言。 知未的，勿轻传。 事非宜，勿轻诺。 苟轻诺，进退错。 凡道字，重且舒。 勿急疾，勿模糊。 彼说长，此说短。 不关己，莫闲管。 见人善，即思齐。 纵去远，以渐跻。 见人恶，即内省。 有则改，无加警。 唯德学，唯才艺。 不如人，当自砺。 若衣服，若饮食。 不如人，勿生戚。 闻过怒，闻誉乐。 损友来，益友却。 闻誉恐，闻过欣。 直谅士，渐相亲。 无心非，名为错。 有心非，名为恶。 过能改，归于无。 倘掩饰，增一辜。

སྐད་ཆ་གང་བཤད་ཀྱང༌། ། དྲང་བདེན་ཡིད་རྟོན་གཙོ། ། རྫུན་དང་གཡོ་སྒྱུའི་ཚིག། ནམ་ཡང་སྨྲ་མི་བྱ། ། འཆོལ་གཏམ་མང་བ་ལས། ། སྐད་ཆ་ཉུང་ན་དགའ། ། ཁ་ཚིག་དོན་གནས་ལས། ། བསླུ་ཚིག་སྨྲ་མི་བྱ། ། ཁ་ཡག་ཚིག་སྙན་དང༌། ། མ་རབས་ཐ་ཆད་པའི། ། གྲོང་ཚིག་གཏམ་ངན་སོགས། ། ནམ་ཡང་སྨྲ་མི་བྱ། ། གནས་ལུགས་མ་མཐོང་བར། ། གང་འདོད་བཤད་མི་རུང༌། ། ཁུངས་དག་མ་ཤེས་པར། ། གཞན་ལ་བསྒྲག་མི་བྱ། ། ཡང་དག་མིན་པའི་དོན། ། རང་དགར་ཁས་མི་བླངས། ། རང་དགར་ཁས་བླངས་ན། ། འཇུག་ལྡོག་གཉིས་ཀ་དཀའ། ། སྐད་ཆ་འཆད་པའི་དུས། ། གསལ་དག་ལྷོད་ཆགས་དགོས། ། ཧ་ཅང་མགྱོགས་པ་དང༌། ། ལྡབ་ལྡིབ་སོགས་མི་བྱ། ། འདི་བཟང་འདི་ངན་ཞེས། ། སྐྱོན་ཡོན་མི་བརྗོད་ཅིང༌། ། རང་དང་འབྲེལ་མེད་པའི། ། བྱ་བར་འཇུག་མི་བྱ། ། གཞན་ཡོན་མཐོང་བའི་ཚེ། ། དེ་ཡི་རྗེས་བསྙེག་བསམ། ། ད་དུང་ཐག་རིང་ཡང་། ། རིམ་གྱིས་དེ་རྗེས་ཟིན། ། གཞན་སྐྱོན་མཐོང་བའི་ཚེ། ། རང་ལ་ཡོད་མེད་བརྟག། རང་སྐྱོན་ཡོད་ན་བཅོས། ། མེད་ན་བག་ཟོན་བྱ། ། སྤྱོད་བཟང་ཤེས་རིག་དང༌། ། ལག་རྩལ་ཡོན་ཏན་རྣམས། ། གཞན་ལྟར་མི་ལྡན་ན། ། རང་ལ་བསྐུལ་ཏེ་བསྐྲུན། ། ལུས་ཀྱི་ཆས་གོས་དང༌། ། བཟའ་བཏུང་ཡོ་བྱད་སོགས། ། གཞན་ལྟར་མི་ལྡན་ན། ། སེམས་པ་སྐྱོ་མི་བྱ། ། སྨད་ན་ཁྲོ་འགྱུར་ཞིང༌། ། བསྟོད་ན་དགའ་འགྱུར་བའི། ། མི་ལ་གྲོགས་ངན་འདུ། ། གྲོགས་བཟང་བྲེད་ནས་འགྲོ། བསྟོད་ན་སྐྲག་འགྱུར་ཞིང༌། ། སྨད་ན་དགའ་འགྱུར་བའི། ། མི་ལ་དམ་པ་རྣམས། ། རིམ་གྱིས་འདུ་བར་འགྱུར། ། མ་བརྟགས་བྱ་ངན་བྱས། ། དེ་ལ་ནོར་འཁྲུལ་ཟེར། ། བསམ་བཞིན་བྱ་ངན་བྱས། ། དེ་ནི་མི་དགེ་ཡིན། ། རང་སྐྱོན་བཅོས་གྱུར་ན། ། ཡོན་ཏན་འཕེལ་བར་འགྱུར། ། རང་སྐྱོན་བཀབ་གྱུར་ན། ། ཉེས་པ་ཇེ་ཆེར་འགྲོ།

5.泛爱众 ཀུན་ལ་བྱམས་སྐྱོང་གི་སྐོར། 

凡是人，皆须爱。 天同覆，地同载。 行高者，名自高。 人所重，非貌高。 才大者，望自大。 人所服，非言大。 己有能，勿自私。 人有能，勿轻訾。 勿谄富，勿骄贫。 勿厌故，勿喜新。 人不闲，勿事搅。 人不安，勿话扰。 人有短，切莫揭。 人有私，切莫说。 道人善，即是善。 人知之，愈思勉。 扬人恶，即是恶。 疾之甚，祸且作。 善相劝，德皆建。 过不规，道两亏。 凡取与，贵分晓。 与宜多，取宜少。 将加人，先问己。 己不欲，即速已。 恩欲报，怨欲忘。 抱怨短，报恩长。 待婢仆，身贵端。 虽贵端，慈而宽。 势服人，心不然。 理服人，方无言。 

གང་ཟག་སུ་ཡིན་ཡང༌། ། ངེས་པར་བྱམས་པས་སྐྱོང༌། ། ས་སྟེང་གནམ་འོག་ན། ། མཉམ་དུ་གནས་པས་སོ། ། སྤྱོད་བཟང་ལྡན་པའི་མིའི། ། མཚན་སྙན་ངང་གིས་འཕེལ། ། མི་རྣམས་དེ་ལ་གུས། ། མཛེས་པའི་གཟུགས་ཀྱིས་མིན། ། ཤེས་ཡོན་ལྡན་པའི་མིའི། ། མཚན་སྙན་ངང་གིས་རྒྱས། ། མི་རྣམས་དེ་ལ་དགའ། །  རང་བསྟོད་བསྔགས་པས་མིན། ། རང་གི་ཡོན་ཏན་གྱིས། ། རང་དོན་བསྒྲུབ་མི་བྱ། ། གཞན་གྱི་ཡོན་ཏན་ལ། ། ཁྱད་གསོད་བྱེད་མི་རུང༌། ། ཕྱུག་པོར་ངོ་བསྟོད་དང༌། ། དབུལ་པོར་ཁེངས་དྲེགས་མིན། ། གྲོགས་རྙིང་འདོར་བ་སྤང༌། ། གྲོགས་གསར་དགའ་ཞེན་མིན། ། གཞན་དག་བྲེལ་བའི་དུས། ། ལས་འགོག་བྱེད་མི་རུང༌། ། གཞན་སེམས་སྐྱོ་བའི་དུས། ། གཏམ་ཉོག་སྨྲ་མི་བྱ། ། གཞན་གྱི་སྐྱོན་ཆ་རྣམས། ། ངེས་པར་བསྒྲག་མི་རུང༌། ། གཞན་གྱི་གསང་བ་རྣམས། ། ནམ་ཡང་སྨྲ་མི་བྱ། ། གཞན་གྱི་ཡོན་ཏན་རྣམས། ། བརྗོད་ན་དགེ་བ་ཡིན། ། གཞན་གྱིས་ཤེས་པའི་རྗེས། ། བརྩོན་པས་ཇེ་བཟང་འགྲོ །གཞན་གྱི་ཉེས་སྐྱོན་རྣམས། ། བསྒྲགས་ན་མི་དགེའི་ལས། ། བརྗོད་པ་ཐལ་དྲགས་ན། ཉེར་འཚེ་རང་ལ་འབྱུང༌། ། གྲོགས་ལ་ཕན་ཚུན་བསྐུལ། ། མཉམ་དུ་ཤེས་ཡོན་བསྐྲུན། ། ཚུལ་མིན་ལམ་ཞུགས་ན། ། ཐ་མ་གཉིས་ཀ་ཕུང་། ། དངོས་རྫས་གཏོང་ལེན་ལ། ། དབྱེ་འབྱེད་གསལ་བོར་བྱ། ། ཕར་གཏོང་མང་བ་དང༌། ། ཚུར་ལེན་ཉུང་ན་ལེགས། ། གཞན་ལ་བཅོལ་པའི་ལས། ། ཐོག་མར་རང་ལ་འདྲི། ། རང་གིས་མི་འདོད་ན། ། མྱུར་དུ་མཚམས་འཇོག་བྱ། ། དྲིན་ལ་གཟོ་སེམས་དང༌། ། འཁོན་ལ་བརྗེད་སེམས་དགོས། ། གནོད་ལན་ཡུན་ཐུང་ཙམ། ། དྲིན་ལན་ཡུན་རིང་གཟོ། ། རང་གི་གཡོག་འཁོར་ལ། ། དྲང་བདེན་སྤྱོད་པས་སྐྱོང༌། ། དྲང་ཞིང་བདེན་ལས་ཀྱང༌། ། བྱམས་བརྩེ་ཁོག་ཡངས་གཙོ། ། དབང་ཆས་གཞན་མནན་ན། ། སྙིང་ནས་དང་ལེན་མེད། ། རྒྱུ་མཚན་ལྡན་གྱུར་ན། ། དེ་ལ་ལེ་བརྡ་མེད། །

6.亲仁 སྐྱེ་བོ་དམ་པ་བསྟེན་པའི་སྐོར།  

同是人，类不齐。 流俗众，仁者希。 果仁者，人多畏。 言不讳，色不媚。 能亲仁，无限好。 德日进，过日少。 不亲仁，无限害。 小人进，百事坏。

མི་རྣམས་འདྲ་ན་ཡང༌། ། རིགས་ལ་སྣ་ཚོགས་ཡོད། ། ཐ་ཤལ་དམན་པ་མང༌། ། དམ་པའི་སྐྱེ་བོ་ཉུང༌། ། ཤེས་ལྡན་དམ་པ་ལ། ། ཐམས་ཅད་གུས་ཤིང་སྐྲག །དེས་ཀྱང་རྫུན་ཚིག་དང༌། ། གཡོ་སྒྱུས་བསླུ་མི་སྲིད། ། དམ་པ་བསྟེན་བྱས་ན། ། ལེགས་ཚོགས་དཔག་མེད་འབྱུང༌། ། ཡོན་ཏན་ཉིན་བཞིན་འཕེལ། ། ཉེས་སྐྱོན་ཉིན་བཞིན་འགྲིབ། ། དམ་པ་དོར་གྱུར་ན། ། ཉེས་ཚོགས་དཔག་མེད་འབྱུང༌། ། དམན་པས་གླགས་རྙེད་ནས། ། དོན་ཀུན་བརླག་པར་འགྱུར། །

7.余力学文 ཤེས་རིག་གཞན་བསླབ་པའི་སྐོར།  

不力行，但学文。 长浮华，成何人。 但力行，不学文。 任己见，昧理真。 读书法，有三到。 心眼口，信皆要。 方读此，勿慕彼。 此未终，彼勿起。 宽为限，紧用功。 工夫到，滞塞通。 心有疑，随札记。 就人问，求确义。 房室清，墙壁净。 几案洁，笔砚正。 墨磨偏，心不端。 字不敬，心先病。 列典籍，有定处。 读看毕，还原处。 虽有急，卷束齐。 有缺坏，就补之。 非圣书，屏勿视。 蔽聪明，坏心志。 勿自暴，勿自弃。 圣与贤，可驯致。

ལག་བསྟར་མི་བྱེད་པའི། ། རིག་པ་སློབ་པ་ཙམ། ། གསོབ་པའི་རང་བཞིན་ལས། ། བཟང་པོར་འགྱུར་མི་སྲིད། ། ལག་ལེན་ཁོ་ན་ལས། ། རིག་པ་མི་སློབ་ན། ། རང་ལྟ་མཁྲེགས་བཟུང་དེས། ། གནས་ལུགས་མཐོང་མི་སྲིད། ། ཡི་གེ་སློབ་པའི་སྐབས། ། གནད་གསུམ་ཚང་དགོས་ཏེ། ། སེམས་གཏད་མིག་གིས་བལྟ། ། ཁ་ནས་གདོན་པར་བྱ། ། དཔེ་གང་ཀློག་པའི་ཚེ། ། དཔེ་གཞན་བཀླག་མི་བྱ། ། འདི་ཉིད་མ་རྫོགས་པར། ། དེ་ཉིད་འགྲུབ་མི་འགྱུར། ། སློབ་ཡུན་རིང་བ་དང༌། ། སློབ་དུས་དམ་འཛིན་བྱ། ། བརྩོན་འགྲུས་རྒྱུན་བསྐྱངས་ན། ། དཀའ་གནད་མ་ལུས་རྟོགས། ། སེམས་ཀྱི་དོགས་པ་རྣམས། ། དུས་སུ་ཟིན་ཐོར་བཀོད། ། གཞན་ལ་དྲིས་ནས་སུ། ། དེའི་དོན་རྟོགས་པར་བྱ། ། ཁང་ཁྱིམ་རྩིག་པ་དག །ཕྱི་ནང་གཙང་སྦྲ་བྱ། ། མདུན་ཅོག་སྣག་སྨྱུག་སོགས། ། ཡིད་འོང་གྲ་འགྲིག་བཞག །བརྡར་སྣག་ཡོ་གྱུར་ན། ། བློ་སེམས་གཡེང་བ་ཡིན། ། ཡིག་གཟུགས་མི་འགྲིག་ན། ། སེམས་ཉིད་རྙོག་པའི་རྟགས། ། དཔེ་དེབ་གོ་རིམ་བཞིན། །  གཞག་ས་གཏན་ཁེལ་བྱ། ། དེབ་གང་བཀླགས་ཚར་རྗེས། ། སླར་ཡང་རང་སར་གཞག །བྲེལ་བའི་དོན་བྱུང་ཡང༌། ། དཔེ་དེབ་ཚགས་འགྲིག་བྱ། ། དེབ་ལ་སྙད་བྱུང་ན། ། མྱུར་དུ་གསོ་བར་བྱ། ། འཕགས་པའི་གཞུང་མིན་པར། ། ལྟ་ཀློག་བྱེད་མི་རུང༌། ། བྱས་ན་ཤེས་རབ་བསྒྲིབ། ། ཕུགས་འདུན་བརླག་པར་འགྱུར། ། རང་ཉིད་དམའ་འབེབས་དང༌། ། གཉོམ་ཆུང་བྱེད་མི་རུང༌། ། རིམ་གྱིས་བརྩོན་བྱས་ན། ། མཁས་པའི་གོ་སར་སླེབས། །

ཡོང་ཁུངས།  ཀྲུང་གོའི་བོད་ལྗོངས་དྲ་བ།