སྲབ་ཐག་ཤོར་བའི་རྟ་རྒན།།

ལང་དུ་ཤོར་བའི་འཆལ་མོ།།

སྲམ་གྱིས་འུག་པ་གསོ་དགོས།།

ཚེ་སྔོན་ལས་ཀྱི་བསྐོ་བཞག།

སྲས་ཆུང་ཆུང་དགྲ་ལྷ་རྩེ་རྒྱལ་དེ།།

ཐུགས་ཆུང་ཆུང་ཨ་བྲའི་རིལ་མ་འདྲ།།

སྲན་མ་གླགས་མ་ཁེལ་བར།།

ནས་རྐྱང་ལ་ཐུབ་ཚོད།།”

གསེར་གྱི་ཚིགས་ཁོག་གྱོན་རྒྱུ་བྱུང་ན།།

མཛུབ་མོའི་སྟེང་ལ་ཟུག་ཀྱང་ཟུག།

གསེར་ཞོ་གང་གིས་རང་ཚོད་ཟིན།།

ལྟོས་གྲོད་པ་བརྒྱགས་ན་ཟ་ཚོད་ཟིན།།

གསེར་འདོན་སྐབས་བྱེ་མ་མི་འདྲེས་དང་།།

གཡག་གསོད་སྐབས་ཁྲག་ཐིགས་མི་རྒྱག་མེད།།

ལྷ་རི་ཁྲ་བོ་ལ་མེ་རྒྱག་པ་སླ།།

མེ་སྟག་མཛུབ་མོས་དཀྲུག་པ་དཀའ།།

ལྷ་ཡུལ་ལམ་ཡོད་ལ་མ་ཕྱིན་པར།།

དམྱལ་བ་སྒོ་མེད་ནང་འཛུལ་བ།།

ལྷ་ལས་རིགས་རུས་མཐོ་ཡང་།།

ཡོན་ཏན་མེད་ན་མགྲིན་བཟང་རེད།།

 ས་སྐྱ་གོང་མ་ལྔ་ནི་སློབ་དཔོན་དངོས།།

དེང་དུས་ས་པཎ་ཁྱོད་ལ་ང་མི་འཇིགས།།

ས་འོག་འབུ་ལ་འབུ་རོགས་ཡོད།།

ནམ་མཁའི་བྱ་ལ་བྱ་རོགས་ཡོད།།

 ཤིང་ཀྱང་ཀྱོག་ལ་འཛེགས་སླ།།

མི་དབུལ་ཕོངས་ལ་ཤོད་སླ།།

ཤིང་རྒས་ན་རྩ་བ་མང་།།

མི་རྒས་ན་སྐད་ཆ་མང་།།

ཤིང་རྐང་གཅིག་གིས་ཇ་མི་འཁོལ།།

མི་ཧྲེང་གཅིག་གིས་ཐབ་མི་འཛིན།།”

ལེགས་བཤད་བྱིས་པའི་ཁ་ལ་ཡང་ཡོད།།

ཉེས་བཤད་བླ་མས་གསུངས་ཀྱང་སྲིད།།

ལོ་མང་སོང་བའི་རྒས་པོའི་ཁ་ལ་ཉོན།།

སྐྱིད་སྡུག་མང་པོ་མྱངས་པའི་མི་རྒན་རེད།།”

《བོད་ཀྱི་གཏམ་དཔེ་ཕྱོགས་བསྒྲིགས》ཞེས་པ་ལས་བཏུས།