2024ལོའི་ཟླ་4པའི་ཚེས་3ཉིན། རང་སྐྱོང་ལྗོངས་བོད་སྐད་ཨུད་གཞུང་ལས་ཁང་(རྩོམ་སྒྱུར་ཅུད)གིས<<ཀྲུང་ཧྭ་མི་རིགས་གཅིག་མཐུན་ཚོགས་པའི་རགས་བཤད>>ཅེས་པའི་དཔེ་དེབ་བསྩལ་བའི་མཛད་སྒོ་སྤེལ་ཏེ། ལྗོངས་ཡོངས་ཀྱི་ས་ཁུལ(གྲོང་ཁྱེར)བདུན་གྱི་རྫོང་(ཆུས)74ཡི་བོད་སྐད་ཨུད་གཞུང་ལས་ཁང་(རྩོམ་སྒྱུར་ཅུད)གི་ལས་དོན་མི་སྣ་ཡོངས་ལ་དཔེ་དེབ་བསྩལ་བ་དང་། རང་སྐྱོང་ལྗོངས་བོད་སྐད་ཨུད་གཞུང་ལས་ཁང་(རྩོམ་སྒྱུར་ཅུད)གི་ཏང་ཙུའི་ཧྲུའུ་ཅི་གཞོན་པ། ཀྲུའུ་རེན(ཅུད་ཀྲང་)ཟླ་བ་ཚེ་རིང་གིས་དཔེ་དེབ་བསྩལ་བའི་མཛད་སྒོ་གཙོ་སྐྱོང་གནང་བ་རེད།   

<<ཀྲུང་ཧྭ་མི་རིགས་གཅིག་མཐུན་ཚོགས་པའི་རགས་བཤད>>ཅེས་པའི་དཔེ་དེབ་དེ་2024ལོའི་ཟླ་2པའི་ཟླ་མཇུག་ཏུ་པར་སྐྲུན་བྱས་ཤིང་། དཔེ་དེབ་འདིའི་ནང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོར་འཛུགས་རྒྱུའི་ནང་དོན་གཙོ་རྐང་དུ་འཛིན་པ་དང་། རྒྱ་ཆེའི་ཀློག་པ་པོ་རྣམས་ཀྱི་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཟབ་ཏུ་གཏོང་རྒྱུ་དམིགས་ཡུལ་དུ་བཟུང་ནས། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་དང་། ཞི་ཅིན་ཕིང་གི་མི་རིགས་ལས་དོན་ལ་ཤུགས་སྣོན་དང་ལེགས་བཅོས་གཏོང་རྒྱུའི་སྐོར་གྱི་དགོངས་པ་གལ་ཆེན་ལ་ཕྱོགས་ཡོངས་ནས་འགྲེལ་བརྗོད་བྱས་ཡོད་པས། དེར་ཆབ་སྲིད་ཀྱི་རང་བཞིན་དང་སློབ་གསོའི་རང་བཞིན་ཆེན་པོ་ལྡན་ཡོད། 

 <<ཀྲུང་ཧྭ་མི་རིགས་གཅིག་མཐུན་ཚོགས་པའི་རགས་བཤད>>ཅེས་པའི་དཔེ་དེབ་པར་སྐྲུན་བྱས་མ་ཐག རང་སྐྱོང་ལྗོངས་བོད་སྐད་ཨུད་གཞུང་ལས་ཁང་(རྩོམ་སྒྱུར་ཅུད)གིས་ཁ་གཏད་བོད་སྐྱོར་ཚན་པའི་རྒྱབ་སྐྱོར་བརྩོན་ལེན་བྱས་པར་བརྟེན། མཐོ་རིམ་སློབ་གསོ་དཔེ་སྐྲུན་ཁང་གིས་རོགས་སྐྱོར་གནང་བའི་དཔེ་དེབ་500ཚང་མ་ལྗོངས་ཡོངས་ཀྱི་རིམ་པ་ཁག་གི་བོད་སྐད་ཨུད་གཞུང་ལས་ཁང་(རྩོམ་སྒྱུར་ཅུད)གི་ལས་བྱེད་ལས་བཟོ་ཚང་མར་རིན་མེད་ངང་སྤྲད་དེ། ཏང་གི་གསར་གཏོད་རིགས་པའི་གཞུང་ལུགས་ལ་བརྟེན་ནས་སྔར་བས་བློ་སྟོབས་ཆེར་བསྐྱེད་དང་མི་སྣ་ལེགས་སྐྱོང་ཐུབ་པ་དང་། ཀྲུང་ཧྭ་མི་རིགས་ཀྱི་ལོ་རྒྱུས་ལྟ་བ་ཡང་དག་འཛིན་པ་བཅས་ལ་ཁྲིད་སྟོན་བྱས་ནས། སྐྱིད་སྡུག་མཉམ་མྱོང་དང་། ཁྲེལ་གྲགས་མཉམ་ཁུར། མཉམ་ཤི་མཉམ་གསོན། ལས་དབང་གཅིག་མཐུན་བཅས་ཀྱི་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པ་དང་། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ལ་སློབ་སྦྱོང་ཡག་པོ་བྱས་ཏེ། བོད་ལྗོངས་ཡུན་རིང་བདེ་འཁོད་དང་སྤུས་ཚད་མཐོ་བའི་གོང་འཕེལ་ལ་ལེགས་སྐྱེས་ཧུར་ཐག་ཕུལ་ཡོད།