གཞི་རིམ་མང་ཚོགས་ཚོས་རྒྱལ་ཡོངས“ཚོགས་འདུ་གཉིས”ཀྱི་དགོངས་དོན་དུས་ཐོག་ཏུ་སློབ་སྦྱོང་དང་ཤེས་རྟོགས་ཡང་དག་བྱ་ཆེད། ཟླ་3ཚེས་12ཉིན་རང་སྐྱོང་ལྗོངས་བོད་སྐད་ཨུད་གཞུང་ལས་ཁང་(རྩོམ་སྒྱུར་ཅུད)གིས་རིགས་གཅིག་མཁས་དབང་14ལྷག་སྒྲིག་འཛུགས་བྱས་ཏེ། རྒྱལ་ཡོངས“ཚོགས་འདུ་གཉིས”ཀྱི་སྐབས་དོན་གཞུང་ཡིག་ནང་ཐོན་པའི“གཟུགས་ཅན་རིག་ནུས་དང་། གྲངས་འཛིན་ཅན་བཅོས་སྐྱོང་། གྲངས་གཞི་རྒྱལ་གྲོལ་འཁོར་རྒྱུག”སོགས་སྲིད་འབྱོར་ཚན་རྩལ་ཁྱབ་ཁོངས་དང་འབྲེལ་བའི་ཐ་སྙད་གསར་པ་དང་། གོ་དོན་གསར་པ། བརྗོད་པ་གསར་པ་ཁྱོན་བསྡོམས་60ལྷག་ཙམ་བཀས་བཅད་བྱས་ནས་ཚད་ལྡན་གཅིག་གྱུར་ཐུབ་པ་བྱུང་ཡོད།

བཀས་བཅད་ཚོགས་འདུའི་ཁྲོད། རིགས་གཅིག་མཁས་དབང་ཚོས་ཚད་མཐོའི་འགན་འཁྲི་ཁུར་སེམས་དང་གཟབ་ཅིང་ནན་པའི་ལས་ཀའི་ཐོག་ནས་ཐ་སྙད་གསར་པ་རེ་རེའི་ནང་དོན་ལ་བློ་རྩ་ཞིབ་མོས་བརྟག་ཅིང་དཔྱད་ལ། རིགས་པས་ཁུངས་སྐྱེལ་ཡང་དག་བྱས་ཏེ། བཀས་བཅད་བྱས་པའི་ཐ་སྙད་རྣམས་ཚད་ལྡན་རང་བཞིན་དང་། གཅིག་གྱུར་རང་བཞིན། དབང་གྲགས་རང་བཞིན་བཅས་ཐུབ་པའི་འགན་ལེན་བྱས་ཡོད། 

                                                                                (རྩོམ་སྒྱུར་ཁྲུའུ་ནས་ཞུས)